திரு.இராமலிங்கம் --- திருமதி.திலகவதி
34-ஆம் ஆண்டு திருமண நாள் வாழ்த்து
******************************************
கடிநெல்வயல் திரு.கா.இருளப்பத் தேவர் --திருமதி.இராஜம்
அம்மையாரின் மகனும் மருமகளும், திருமதி. கலையரசி கண்ணன்,
திருமதி. சங்கீதா தியாகராஜன், திரு.ஸ்ரீநாத் இராமலிங்கம் ஆகியோரின்
பெற்றோருமான திரு.இராமலிங்கம் -- திருமதி. திலகவதி இணையரின்
இல்லற வாழ்வு 33 ஆண்டுகளைக் கடந்து 34-ஆம் ஆண்டில் இன்று (2-7-2015)
பயணிப்பதை முன்னிட்டு, அணிவிக்கப் பெறும் வாழ்த்துப் பாமாலை !
********************************************
இருளப்பத் தேவர், அம்மை
இராசம்மாள் இணையின் செல்வன் !
அருளப்பர் உமையொரு பாகன் !
அடிதொழும் இராம லிங்கன் !
திருவளர் திலகவதி யாள் !
திருக்கரம் பிடித்த நன்னாள் !
முருகிய முப்பது யாண்டு !
மூன்றையும் கடந்தது இந்நாள் !
சங்கமும் மகரம் மீனும் !
தரளமும் முத்தும் தோன்றும் !
வங்கநீர்க் கரையில் முளைத்த
வளவனின் தோன்ற லே,நீ !
பொங்கிடும் வளங்கள் யாவும்
புலனுறத் துய்ப்பாய் வாழ்க !
மங்கைநின் மனையாள் திலகா !
மகிழ்வுடன் வாழ்க ! வாழ்க !
வானுறு மதியின் தண்மை !
வாய்மொழிச் சொல்லில் கொண்டாய் !
கானுறு புலியின் தீரம் !
கண்களில் விதைத்தாய் வாழி !
தேனுறு நட்பும் உறவும் !
திகட்டுமோ உனக்கு வாழி !
மானுறும் பொழிலாய் வாழி !
மனைவளம் ஓங்குக ! வாழி !
வை . வேதரெத்தினம்
ஆட்சியர்,
"தமிழ்ச் சிப்பி" வலைப்பூ
(02-07-2015)
-----------------------------------------------------------
