-------------------------------------------------------------------------------------
பாபநாசத்தில் பணி
புரிகையில் எழுதிய
பொங்கல் வாழ்த்து !
(1968-ஆம் ஆண்டு எழுதிய பாடல்)
-------------------------------------------------------------------------------------
கழனியில் விளையும்
கதிர்நெல் மணிகள் !
காவினில் விளையும் கமுகும்
தெங்கும் !
செழுமணல் விளையும்
செயிர்தீர் கரும்பு !
செம்மண்
விளையும் பைங்கனி வாழை !
புழுதியில் விளையும்
பொன்மணி மஞ்சள் !
பொடிமணல் விளையும் பூவா
இஞ்சி !
கழிநிலம் விளையும்
கவின்சா மந்தி !
கலந்துற வருவாள் கனித்தமிழ்த் தையல் !
விழுமிய பொங்கல்
விளைத்திட வருவாள் !
வேதனை தீர்த்து
வாழ்ந்திட அருள்வாள் !
உழைத்திடும் மக்கள்
உவப்புடன் மகிழ்வார் !
உள்ளம் நிறைவுற
நலம்பெற வாழ்வோம் !
-------------------------------------------------------------------------------------
[திருவள்ளுவராண்டு: 2053, மேழம் (சித்திரை) 14)
{27-04-2022}
கருத்துகள் இல்லை:
கருத்துரையிடுக