-----------------------------------------------------------------------------------------
ஓவியத்தை
வைத்துக்கொண்டு உருவாக்கிய
ஒரு சொல்லாரம் !
நண்பர் தருமராசனுக்காக !
(ஆண்டு 1969)
-----------------------------------------------------------------------------------------
பெற்று
வளர்த்தவளே ! பெருமைமிகு என்தாயே !
…..பிழிந்த
கனிச்சாறே ! பிழையறியா நல்லமுதே ! !
கற்றுத்
துறைபோன கலைமகளே ! யாழிசையே !
…..கண்ணான தந்தையெனைக் கடிந்துகொள்வ தேனம்மா ?
புற்றில்
ஒளிந்துறையும் புல்லரவாய்ச் சீறிவிழப்
…..பூண்பிடித்தக் கைத்தடியால் புண்செய்தார்
தந்தையெனை !
பற்றும்
முறிந்ததுவோ ? பாசமகன் என்தலையில்
…..பட்டவடு
அவர்நெஞ்சில் பைங்குருதிச் சொட்டாதோ ?
துள்ளும்
இளவயதில் துணிவுமிகல் ஆகாதோ ?
…..துடிப்புமிகு ஆண்மகனும்
காதலுறல் தாளாதோ ?
புள்ளும்
பேடையுடன் வாழ்ந்திடுதல் தாளாதோ ?
…..பூவையுடன்
பழகுதற்கு உரிமையெனக் கீங்கிலையோ ?
அன்னையெனும் பெருமைசால்
அணிமிகுந்த என்தாயே !
…..அழைத்துவந்தேன் காரிகையை
இழைத்தபிழை நீகூறு !
புன்னைமலர்
போல்சிரிக்கும் அன்னவளைப் பாராய்நீ
!
…..பூத்திருக்கும் குவளைவிழி
அன்புமொழி கேளாய்நீ !
பொன்னுடலில் இழைந்தாடும் பொறையுடைமை பாராய்நீ !
…..பொலிந்துவரும் நாணமிசை
குழலொலியைக் கேளாயோ ?
மன்னவனாம்
என்னுடைய மனங்கவர்ந்த மங்கையவள்,
…..மாலையிடத்
தடைசெய்தல் மாண்பாமோ தாயேசொல் ?
நெஞ்சத்தால் உயர்ந்திருக்கும் நீலமணிக்
கோபுரமே !
…..நேசமுடன்
கரம்நீட்டு ! நீயெனக்கு அருள்செய்வாய் !
அஞ்சுகத்தின் மணிவிழியில்
அதன்சிறகே குத்திவிட்டால்,
…..அழிவதன்றி
வாழ்வேது ? அரற்றுவதால் பயன்எது?
பிஞ்சுவுடல் வாடுமுன்னர் பெற்றவளே
நீயருள்வாய் !
…..பிரிவென்னை வாட்டாமல்
பெற்றவளே காத்திடுக !
தஞ்சமென
வந்துவிட்டேன் தாயேநீ மனமுருகு !!
…..தந்தையிடம் கூறியெமை
அரவணைத்து வாழ்த்திடுக !
-----------------------------------------------------------------------------------------
கருத்துகள் இல்லை:
கருத்துரையிடுக